Facebook: Ronaldo ndiye binadamu maarufu

Mchezaji nyota wa Real Madrid ya Uhispania na Ureno Christiano Ronaldo ndiye binadamu maarufu zaidi duniani kwenye Facebook.

Nyota huyo mwenye umri wa miaka 30 amempiku Mwanamuziki maarufu kwa kunengua kiuno Shakira nawafuasi zaidi ya milioni 107.

Ronaldo anawafuasi 107,096,356 wakilinganishwa na 107,087,100 Shakira
Ronaldo aliweka rekodi kwa kuwa mchezaji maarufu zaidi duniani alipotimiza wafuasi milioni 100 mwezi Oktoba mwaka uliopita.

Nyota huyo wa Real Madrid alijiunga na mtandao wa kijamii wa Facebook mwaka wa 2009.
Na si hapo alikodhibitisha udedea wake, Ronaldo anazaidi ya wafuasi milioni 34 katika mtandao wa kijamii wa Twitter ambako anaorodheshwa katika nafasi ya 13.

Msanii h Katy Perry ndiye anayeongoza kwa umaarufu kwenye twitter akiwa na jumla ya wafuasi milioni 66.6.
Justin Bieber, Barack Obama, Taylor Swift, YouTube, Lady Gaga, Justin Timberlake, Rihanna, Britney Spears, Ellen DeGeneres, Instagram na Twitter ndio wanaompiku Ronaldo.

Licha ya hiyo yeye ndiye mwanaspoti maarufu zaidi kwenye mtandao huo wa Twitter.
Mshambulizi wa Brazil na Orlando City Kaka ndiye mchezaji wa pili kwa umaarufu akiwa na wafuasi milioni 22.2 million.

Licha ya kuwa maarufu na wafuasi wa timu ya Uingereza ya Manchester United kiungo machachari Wayne Rooney anashikilia nafasi ya 95 katika mtandao huo akiwa na wafuasi milioni 10.8 million.

Katika Facebook hata hivyo, Mchezaji bora mara nne duniani na Mshambulizi wa Barcelona ,Lionel Messi ndiye mwanaspoti wa pili kwa umaarufu duniani.
Messi anawafuasi milioni 78.

Nyota wa zamani wa England David Beckham anafunga orodha ya tatu bora kwa wafuasi milioni 52 .

Orodha ya Facebook

1. Facebook for Every Phone 544 milioni
2. Facebook                         170m
3. Facebook Sales Germany         170m
4. Ronaldo                                 107m
5. Shakira                            107m
6. Eminem                           98m
7. Vin Diesel                      90m
8. Rihanna                                 89m
9. YouTube                         86m
10. Barcelona                         83m
11. Real Madrid                         82m
12. Michael Jackson                 80m
13. Lionel Messi                 78m
14. Justin Bieber                 77m
15. Katy Perry                         77m
16. Bob Marley                         76m
17. Harry Potter and the Deathly Hallows 76m
18. Will Smith                         76m
19. The Simpsons                 74m
20. Taylor Swift                         74m

-BBC